احساس سروے

    احساس سروے کے بارے میں جانیے

    نئےصارفین کو احساس کفالت، نشوونما، وسیلۂ تعلیم ڈیجیٹل اور احساس کےدیگر پروگراموں میں شامل کرنے کیلیئےملک گیراحساس سروے اگست2021 میں مکمل ہو گا۔

    احساس قومی سماجی و معاشی رجسٹری سروے پاکستان کا پہلا کمپیوٹرائزڈ سروے ہے۔ اس مکمل طور پرغیر سیاسی سروے کو شفاف اور غلطیوں سے پاک رکھنے کیلیئے اول تا آخر ڈیجیٹل نظام قائم کیا گیا۔

    احساس سروے کے ذریعے ملک میں غریب و ضرورت مند گھرانوں کی نشاندہی کی گئی ہے۔ احساس سروے کا مقصد ملک کے غریب خاندانوں کے کوائف جمع کرنا ہے تاکہ حکومت پاکستان فلاحی منصوبے بہتر طور پر تشکیل دے اور حکومت کے وظیفے حقیقی مستحقین تک پہنچ سکیں۔

    سروے کیلیئے بہت سی ایپس کا استعمال کیا گیاہے جو کہ سروے ٹیم کے ارکان کی اینڈرائڈ ٹیبلٹس پر سروے کے مقاصد کیلیئے نصب کی گئیں۔

    سروے کی تیاری کیلیئے تکنیکی ٹیموں کو مختلف نوعیت کی ٹریننگ کروائی گئی جن میں ماسٹر ٹرینرز، ٹرینرز، اینیومیریٹرز اور سپروائزروں کی ٹریننگ کو مرکزی حیثیت حاصل رہی۔

    احساس سروے کیلیئے گھر گھرجا کر کوائف جمع کرنے والی ٹیموں نے کاغذی فارموں کے بجائےاینڈرائڈ ٹیبلٹس پر گھرانوں کے اعداد وشمار جمع کیئے۔

    سروے کے دوران آگاہی مہم چلائی گئی کہ جب سروےٹیم گھرآئے تو مستحق خاندان خود کو رجسٹر کروائیں اوراحساس سروے میں شامل ہونے کی کوئی فیس نہیں۔

    سروے مکمل ہونے پر رہ جانے والے گھرانوں کو احساس سروے میں شامل کرنے کے لیئے تحصیل کی سطح پر احساس رجسٹریشن ڈیسک ملک بھر میں فعال ہو چکے ہیں۔